  |
    |
本想荒廢這個長期沒人update的blog, 但每次打開它時, 又偏偏捨不得, 怎說它也陪我渡過2年光境, 開心不開心也記在這裡. 已經不在乎有沒有人看, 只想給自己作些少回憶, 也當作練練中文文法也好.
近大半年家裡發生的不如意事一單接一單, 禍不單行算這種吧! 但練歷了這些, 人總會長大, 不可能一輩子也這麼想不開, 安慰的說話聽很多, 也很明白, 相反實踐便需要時間, 但我相信我做得到, 自少現在知道時的反應比起以前來得鎮定, 懂得思想. 既然知道人總要面對這些, 何不放開一點. (不過我也是尚在努力當中, 給我一點時間吧!)
今日雖然是星期六, 但我都比平時早起床(9:30便起床啦), 因為今日終於輪到家姐做我的model啦, 我要幫佢拍一輯照片. 其實之前都沒想過她會做我model, 之前只是隨口問下, 怎知原來她一直都有興趣 (你要知道她是一個要求高, 又非常挑剔的人, 你拍得不合她心水, 她一定不會應承你) (註: 我不是說自己拍得好, 只是有heart去玩而已---玩都要有heart, 呵~) 不過最開心的是2姊妹很久沒一起出街啦, 我們互相幫手襯衫 (因為要玩theme) 她又做我的化妝師, 幫我化妝, 我就做她的hair stylist, 替她set頭, 攪左好幾個鐘終於可以出門.........出門去吃早餐是也...
今日我們的目的地係馬鞍山一個比較偏的地方, only車程都比較兜轉, 首先搭巴士到沙田--->再轉巴士到恒安村--->然後再搭的士上山--->步行10mins (可能只是5mins, 只因我們走錯路) 今次算係我拍多次照片來算, 最難去的一次, 亦是唯一要行山的一次, 不過一切都是值得的. 比較失望是竟然去到已經有3批攝影發燒友正在拍攝進行中, 還要有打燈, 助手, 化妝師, model的造型很酷, 我也不敢拿我的相機出來拍.....(被比下去) 所以有些想拍的地方也要等, 而且要就位, 不能拍到他們. 不過最後我還是有機會拿起他們的專業相機呢 (要替他們拍大合照嘛) 原來真的很重.
拍到六時我們便離開, 其實很想嘗試拍夜景, 不過這裡太荒山野嶺, 我們也不敢逗留太久, 而且今天山上的天氣很冷, 還很大風, 家姐笑說"做model也有助手和茶水, 怎麼我什麼也沒有"我也跟她說句"你估做angelababy是那麼容易麼??"呵~~~ 我想我們不應穿春裝, 應該繼續穿冬裝來拍, 還可以戴上冷帽呢!
看一些不滿意的照片先.....(不滿意都放上來......呆~)
是不是很荒涼.....還帶點陰深呢~~~~ (其實係日光日白的, 只係我ps了)
這裡是一座荒廢的教堂
怎麼地上可以無端端有部電視機呢???
新一年已經開始了個多月, 我就好像忙了個多月, 忙甚麼? 我也不知自己真正在忙是甚麼, 或許香港人個個也是日忙夜忙, 忙東忙西似的. 剛過了一個很滿足+滿意的假期, 雖然只是短短一日的澳門旅遊, 但可以一家人一起去旅行, 也是我多年的心願. 雖說一家人都只有5人嘛, 但就不明白要相聚時又那麼難, 又是那種港人的日忙夜忙累事吧! 今次旅程真的很開心也很窩心, 雖然間中也有些烏龍, 出錯, 不值的事, 但每一個片段也只有我們一家人才明白吧><
放假過後一身散晒(不是鬆晒) 玩足一整天原來真的很累, 當然也是值得的. 好~ 玩樂過後就要開始自己今年的目標啦. (其實粗粗的算, 一家人去旅行也算達成了,hee~) 今年目標不算太多, 有容易也有困難, 有學日文啦, 化妝等等....不過今年其中一件想做的事也算是大project, 亦都有困難, 但我真的很想試, 我不知道到最後成功與否, 但我現在會去開始, 人說慢工出細貨, 我亦相信是, 如要今年達成也許有一點點困難了, 可能最後會到出年或n年後才能完成, 但我知道有些事是人為的, 只要我一天不去開始, 就一定沒有完成的一天, 所以我現在也一樣會去開始的, 祝我成功吧.....yeah~~
知道這是甚麼嗎? 答案: 是吉祥樹要出現的時候了........
威尼c人再見了.....嗚....我還沒有在外面跟它合照呢....(看到相片中的5人嘛, 白痴~ 不是我們5人啦)
61樓的高樓, 不要看似普通一張相, 其實媽咪和細佬怕得要走呢, 呵~~~
原本充滿歡欣的節日, 聖誕節期間突然傳來惡耗, 就是同爸爸差不多時候患病的舅舅, 終於不敵癌魔而病逝. 在聖誕這節日傳來這消息, 更讓大家倍添傷感. 本應拾好行裝好讓第二天出發去camp, 一下子都變成回鄉奔喪的行裝. 原本約了的朋友仔, 我也感到不好意思, 約了多時的camp, 還有是好朋友的生辰, 都要讓大家失望. 但另一方面更感到憂傷, 這個舅舅雖不是常見, 但卻是很親密, 表弟妹更是跟我們一起長大. 回鄉的車程, 我們都別無多恙, 但是回到我們鄉村的大宅, 見到舅舅的遺體放在地上, 只有一塊布蓋上, 用蚊帳圍住他, 但蚊帳上的蚊多得恐怖, 想必是牠們都知有"大餐"要開. 媽媽跟阿姨們通通跪在地上痛哭, 我想多硬朗的人聽到滿屋是悲哭聲也會忍不住. 不過我比我想像中堅強, 我只有眼濕濕, 這兩天我也沒有把眼淚滴下, 因為我知道我要負責看守婆婆, 阿姨, 舅母, 跟本沒有多餘的時間給我哭. 但看到這情景也讓我想起爸爸來, 他今次也有來到送舅父最後一程, 大家怕他勞碌, 但他也硬著要來, 阻也阻不了. 看到表弟妹失去父親後那種呼天搶地, 我真的很怕, 常常思想的我又再胡思亂想, 停不了.....不停想...不停想..... 這時候我更加知道得到的不是必然, 活在當下更是應該珍惜.
下午我們開始穿上白衫白褲, 眾人都要披麻帶孝, 忽然有一種奇怪的感覺, 印象中小時候應該試過一次, 但都不太深刻, 而這次可是瀝瀝在目, 我想記住最後為舅舅做的一件事, 無奈這件不是一件快樂的事. 眾後輩跪在靈前, 當喃嘸師傅搖著鈴圍著我們, 唸著一大堆都聽不明的鄉下話, 有人吹著di-dar聲, 悲從中來就是這些, 有時也不明白, 明明大家已經夠傷感, 為何還要放著些哀怨的聲音, 最奇怪是他們都知這些音樂太哀怨, 另外還要請堆跳中國舞的女子在我家門前又唱又跳輕快的歌曲 (說是不要讓婆婆太傷心) 完成整個帶孝過程, 還要遊街讓眾人知道我們家的白事, 鄉村地方總是很多人在自己門前看戲似的, 但這一刻已不似在香港的那麼怕尷尬, 怕別人指指點點, 大家只是帶著傷感送舅舅上山 (我現在才知道, 我媽的家族可以長得比香港一條街還要長~)
其實鄉村地方真的很簡單, 我家有白事, 鄰居們都會為我煮菜煲飯, 說的是十圍枱以上, 不是一兩圍餸菜, 為的是讓他們家人也有一兩餐溫飽. 如活在香港, 還不是利字當頭? 不清清楚楚計掂數, 休想離開. 不過我知社會是進步, 難道現在我可以用一部mp3換一部450baby嗎?!
如果現在跟你說, 你剩餘一個月時間, 那你還有什麼想做? 我曾認真的想過, 其實已沒太多了. 我只會立刻不上班, 每天待在我的摯愛身邊就夠了, 這樣說, 是否我的人生已無憾了? 想想也是. 雖然可能對很多人來說, 我還有很多事未能實踐, 有很多地方也沒有到過(有些人總認為趁離開前應該周遊列國) 但我可真的一點興趣也沒有.
最近, 我看到你的頭髮生長得很快, 而且還很濃密, 那些新陳代謝比我還要強, 朝早都一早起床, 散步一陣吃個早點再有些娛樂, 比起我這後生的還勤力健康得多. 真的不敢相信你是一個有病的人, 自化療開始, 你的毅力非比常人, 你的勤力, 你的堅毅, 很令我佩服. 我真的一次也沒看過你那嘔吐大作, 全身發痕, 不能進食的狀況(還是你要強忍? 怎說都是要佩服你) 說個小秘密你知, 其實到現在為止, 我仍然懷疑醫生把你斷錯症的, 他夾硬要將一個正常健康的人推去做化療去考驗你 (太殘忍吧!) 所以你才不會有一般病人的特徵.
當你今天跟我們說, 醫生要你停藥, 只叫你好好休息, 因你那藥物已經失敗, 而且腫瘤有發大跡象, 大概一至三個月吧(但我仍是不相信這是期限, 次次都話三個月) 你知時間已不多, 你想為我們做點事吧, 決定快快裝修屋企, 好讓我們往後日子有個安樂窩.
我比預期的冷靜(至少比上次是) 因為由知道的第一天, 也應該預計到有這一天吧! 我還可以輕輕鬆鬆跟你討論家居設計, 我們還拿你的病情來說笑, 叫你做鬼也要回來執手尾. 我想我真的比初初知道時成熟了, 但我知最難捱的會是媽. 不過我想我有時也會被自己矇騙吧, 原來我也有想哭的時候(並不是脆弱, 而是傷心) 當一個人靜下來時, 想著想著便淚盈於睫, 曾經意圖想跟你們說, 但只怪自己疏於練習, 未開口鼻子已酸酸的, 不用怕, 其實大的道理我明白, 小的理論我也知道, 所以........大家應該明白到, 只是有些事總是難於啟齒, 在這荒廢的blog裡, 我尚會update時, 就是我需要抒發的時候, 當你們知道時, 請不要害怕問我, 因我只會感到窩心; 請不要跟我說每句話前也要思量一翻, 因我只要見到最真的你. 大家要知道我這人, 當我選擇公開的時候, 就表示我能夠面對, 也是已經重新boot機. (不過今早還是忍唔住呢 >_<)
今天出發到機場攝影, 心情十分興奮, 我想我現在開始上癮了, 每隔一兩星期便手癢癢想拿起相機到處拍拍, 今次距離上次石澳拍照只是兩星期的事, 但我好像覺得隔了很久似的. 今次我的私人model真的很pro, 她的打扮很型格, 去到機場大家就像明星一樣, 呵~ (可惜還是忘記帶黑超, 嗚~)
我的私人麻豆, 其實我真的覺得你的攝影技術比前進步的, 至少影相速度已比以前快, 取的角度也比以前好, 只是跟我比還有一段距離而已, 呵~~~ 你說得對, 要是要求你跟我的拍攝手法一樣, 你便更加緊張, 而且這樣便沒有了你自己的個人風格 (但我還未知你的個人風格是怎樣-_-") 所以我希望你可以快些找尋到你自己個人拍攝的手法, 可以為我拍出水準的照片. 跟你一起拍照真是一種樂趣, 永遠也不覺得沉悶, 你的無無聊聊的行為總為我帶來歡樂, 呵~~
今天我們又一次玩得樂而忘返, 怎麼每次都一樣, 總是捨不得離開的樣子, 還有我們今天吃的壽司, 總覺得在生病期偷吃, 特別好味, hee~
(今天的日記是不是很文雅呢? 因為我要做才女嘛, 呵~)
這張我覺得很有味道呀!
最後忘了要再一次多謝你送的電話繩, 真的很開心呀><
岩岩過左既星期六, 我又同左我既私人model去影相啦, 好開心呀! 今次我地入左石澳, 去到既時候仲見到唔係咁好天, 仲有少少雨添, 初初都驚冇得影, 點知入到去見到一間間咁colourful既屋, 個天又開始冇咁陰, 咁我地就開始din左, 入面d屋真係好靚呀, 唔怪得咁多人黎影婚紗相啦. 呢2次出外影相, 都遇到d影婚紗相既couple, 果然係去左d影相勝地呀, 雖然眼見個個都拎大機影, 但我地d dc仔一d都唔弱, 不過如果有好d既陽光影出黎會仲好, 希望下次有機會再去過而係好好好好天啦~
影相真係好開心, 除左可以陶冶我既性情之外, 仲可以好relax咁訓響沙灘對住個海, 吹黎既海風真係好c服, 又可以比我發揮design既本能, 難得呢位model咁乖, 著晒我要佢著既衫, 頭都比我set埋, 叫佢點就點....咁乖既model去邊度搵?! 不過希望佢既影相技術都有進步, 雖然我鍾意幫人影, 但我都好想自己有d靚相架! 影相前籌備工作好開心, 影相過程好開心, 影完返黎睇見d相仍然好興奮, 再用photoshop整相框一樣咁開心, 成個過程好想再重覆一次.
呢個星期真係有d壓力, 人大左就會背負好多責任, 呢d責任係無形但沉重, 希望從照片中發洩出黎, 透過照片反映開心既一面, 從而將快樂延續.......
點解而家懶懶懶左咁多架? 係唔係已經唔想再update個blog啦? 好似係咁既.....不過有樣野好勤力架, 就係真係影左好多相, 係咁update個blog都只係想擺相落黎同大家分享. 不過又費時比人話我懶, 就講下我呢幾日做左d咩野啦, 首先尋日呢我又去左影相啦, 今次係去左中環區呀! 真係好勁, 由上環西港城開始一路行一路影---> 中環石板街/擺花街/名店街--->金鐘pp/廣告燈箱/天橋....足足影左6個鐘, 我地好似已經變左影相發燒友咁. 有冇咁鍾意影? 真係有呀, 越影越好玩添, 不過部相機開始有d問題, 我要快d拎去整先得, 唔係就有排都冇得玩. 呢期乜都壞, 電話又壞相機又壞, 個人都有d想壞......
玩左成日, 今日梗係要做下野啦, 做左好多家務之餘, 仲執左d相, 雖然我鍾意影相, 但人靠衣裝物靠包裝都係真既, 影相影得好當然重要啦, 但我呢d新手唔係真係影得好架嘛, 梗係要執一執啦, 但我執晚意思我係唔會做手腳既, 我只係加下框, 打下字咁jet, 再將佢upload上網, 大家睇落經過包裝既相都靚d丫, hee~ 係唔係好醒呢 (妖笑) 比d劣作大家睇下啦, 係呀, 係劣架, 佳作我收埋左呀, haha~
呢張唔係out focus呀, 係特登架~~
思考中....唔好嘈佢~
影得耐都要輕鬆下既~
幾識扮野, 肯響條街咁扮冇乜幾多個咋!(明明好多model都肯, 呆~)
影到攰死左啦~
又黎打blog啦, 呢個月真係好忙好忙, 因為好姊妹既大大大大大大project, 仲有每月一星(今個月做左兩星) 再加上自己岩岩轉工, 有好多開心事, 亦都有煩惱事, 所有都跟隨時間一一過去, 開心事令我永遠難忘, 呢世都會記住, 煩惱事? 沖走晒, 已經唔係好知為乜而煩惱lu. 呢個月既memories響好多照片度睇到出黎, 影左好多好多相, 多到我部電腦終於叫救命, 我要快d整返好個燒碟機先, 將所有相burn返晒出黎先, 免得到時死機咩野都冇晒, 我真係會喊架. 因為太多野, 亦都因為我太懶, 只好提供一d照片同大家分享, 唔講咁多啦~
勁呀~ 真係要誇讚一下, 呢餐中秋大餐, 大家估唔估到係邊個整架?
話你知, 呢餐飯全是肥仔既傑作, 我地一d都冇幫手, 海鮮餐係佢拿手好戲, 仲要係好好食添. 我最鍾意食佢既超辣東風鏍, 真係好正, 而家都仲好回味>< 多謝晒~
個地球儀真係好得, 我地整既公仔都好得, 希望我地可以快d好似d公仔咁環遊世界啦!
最慳皮既b cake你地見過未? 係由細食到大既孖寶蛋糕呀, 不過一d都唔求其架, 之前一晚我仲整緊架.
玩新郎玩得咁恐怖都係第一次見~~~
波鞋黨姊妹夠型~
此婚禮專用咪高峰~ (不得抄襲)
有冇響婚禮上見過咁型既相呀? 我地就覺得好好笑, 仲好鍾意添, 攝影師仲笑我地似響街市, 哈~哈~~
住左自己條村咁多年, 都係第一次響度影相, 原來最有味道同最有回憶既地方就在附近~
唔需要去數幾多支candle啦, 同個歲數無關架, 純粹為一個字 "靚"
因為b day主角鍾意ayu呀, 為左佢就買左ayu既相, 原來ayu真係幾靚架喎, 果晚唔係個個爭住同主角影相, 係爭住同ayu合照, hee~
連阿牛同唔放過ayu? (明明係我地迫佢, 呆)
潁b, 做乜拆媽咪d禮物呀?
睇返一連串屬於9月份既相, 真係想講"原來我地真係din+ed"但睇返既時候, 一幕幕開心既情景又再浮現啦~~~ 我地要繼續努力, 下次影多些, yeah^^
