近大半年家裡發生的不如意事一單接一單, 禍不單行算這種吧! 但練歷了這些, 人總會長大, 不可能一輩子也這麼想不開, 安慰的說話聽很多, 也很明白, 相反實踐便需要時間, 但我相信我做得到, 自少現在知道時的反應比起以前來得鎮定, 懂得思想.  既然知道人總要面對這些, 何不放開一點. (不過我也是尚在努力當中, 給我一點時間吧!) 

今日我們的目的地係馬鞍山一個比較偏的地方, only車程都比較兜轉, 首先搭巴士到沙田--->再轉巴士到恒安村--->然後再搭的士上山--->步行10mins (可能只是5mins, 只因我們走錯路) 今次算係我拍多次照片來算, 最難去的一次, 亦是唯一要行山的一次, 不過一切都是值得的. 比較失望是竟然去到已經有3批攝影發燒友正在拍攝進行中, 還要有打燈, 助手, 化妝師, model的造型很酷, 我也不敢拿我的相機出來拍.....(被比下去) 所以有些想拍的地方也要等, 而且要就位, 不能拍到他們. 不過最後我還是有機會拿起他們的專業相機呢 (要替他們拍大合照嘛) 原來真的很重.

拍到六時我們便離開, 其實很想嘗試拍夜景, 不過這裡太荒山野嶺, 我們也不敢逗留太久, 而且今天山上的天氣很冷, 還很大風, 家姐笑說"做model也有助手和茶水, 怎麼我什麼也沒有"我也跟她說句"你估做angelababy是那麼容易麼??"呵~~~ 我想我們不應穿春裝, 應該繼續穿冬裝來拍, 還可以戴上冷帽呢!

看一些不滿意的照片先.....(不滿意都放上來......呆~)

是不是很荒涼.....還帶點陰深呢~~~~ (其實係日光日白的, 只係我ps了)

這裡是一座荒廢的教堂

怎麼地上可以無端端有部電視機呢???

放假過後一身散晒(不是鬆晒) 玩足一整天原來真的很累, 當然也是值得的.  好~ 玩樂過後就要開始自己今年的目標啦. (其實粗粗的算, 一家人去旅行也算達成了,hee~) 今年目標不算太多, 有容易也有困難, 有學日文啦, 化妝等等....不過今年其中一件想做的事也算是大project, 亦都有困難, 但我真的很想試, 我不知道到最後成功與否, 但我現在會去開始, 人說慢工出細貨, 我亦相信是, 如要今年達成也許有一點點困難了, 可能最後會到出年或n年後才能完成, 但我知道有些事是人為的, 只要我一天不去開始, 就一定沒有完成的一天, 所以我現在也一樣會去開始的, 祝我成功吧.....yeah~~

知道這是甚麼嗎? 答案: 是吉祥樹要出現的時候了........

威尼c人再見了.....嗚....我還沒有在外面跟它合照呢....(看到相片中的5人嘛, 白痴~ 不是我們5人啦)

61樓的高樓, 不要看似普通一張相, 其實媽咪和細佬怕得要走呢, 呵~~~

正在努力地裝電燈.....

住了一個月的baby家, 現在要徹退.......看! 右邊有一隻小baby在看守著, hee~

下午我們開始穿上白衫白褲, 眾人都要披麻帶孝, 忽然有一種奇怪的感覺, 印象中小時候應該試過一次, 但都不太深刻, 而這次可是瀝瀝在目, 我想記住最後為舅舅做的一件事, 無奈這件不是一件快樂的事.  眾後輩跪在靈前, 當喃嘸師傅搖著鈴圍著我們, 唸著一大堆都聽不明的鄉下話, 有人吹著di-dar聲, 悲從中來就是這些, 有時也不明白, 明明大家已經夠傷感, 為何還要放著些哀怨的聲音, 最奇怪是他們都知這些音樂太哀怨, 另外還要請堆跳中國舞的女子在我家門前又唱又跳輕快的歌曲 (說是不要讓婆婆太傷心) 完成整個帶孝過程, 還要遊街讓眾人知道我們家的白事, 鄉村地方總是很多人在自己門前看戲似的, 但這一刻已不似在香港的那麼怕尷尬, 怕別人指指點點, 大家只是帶著傷感送舅舅上山 (我現在才知道, 我媽的家族可以長得比香港一條街還要長~)

其實鄉村地方真的很簡單, 我家有白事, 鄰居們都會為我煮菜煲飯, 說的是十圍枱以上, 不是一兩圍餸菜, 為的是讓他們家人也有一兩餐溫飽. 如活在香港, 還不是利字當頭? 不清清楚楚計掂數, 休想離開. 不過我知社會是進步, 難道現在我可以用一部mp3換一部450baby嗎?!

最近, 我看到你的頭髮生長得很快, 而且還很濃密, 那些新陳代謝比我還要強, 朝早都一早起床, 散步一陣吃個早點再有些娛樂, 比起我這後生的還勤力健康得多.  真的不敢相信你是一個有病的人, 自化療開始, 你的毅力非比常人, 你的勤力, 你的堅毅, 很令我佩服.  我真的一次也沒看過你那嘔吐大作, 全身發痕, 不能進食的狀況(還是你要強忍? 怎說都是要佩服你) 說個小秘密你知, 其實到現在為止, 我仍然懷疑醫生把你斷錯症的, 他夾硬要將一個正常健康的人推去做化療去考驗你 (太殘忍吧!) 所以你才不會有一般病人的特徵.

當你今天跟我們說, 醫生要你停藥, 只叫你好好休息, 因你那藥物已經失敗, 而且腫瘤有發大跡象, 大概一至三個月吧(但我仍是不相信這是期限, 次次都話三個月) 你知時間已不多, 你想為我們做點事吧, 決定快快裝修屋企, 好讓我們往後日子有個安樂窩.

我比預期的冷靜(至少比上次是) 因為由知道的第一天, 也應該預計到有這一天吧! 我還可以輕輕鬆鬆跟你討論家居設計, 我們還拿你的病情來說笑, 叫你做鬼也要回來執手尾.  我想我真的比初初知道時成熟了, 但我知最難捱的會是媽.  不過我想我有時也會被自己矇騙吧, 原來我也有想哭的時候(並不是脆弱, 而是傷心) 當一個人靜下來時, 想著想著便淚盈於睫, 曾經意圖想跟你們說, 但只怪自己疏於練習, 未開口鼻子已酸酸的, 不用怕, 其實大的道理我明白, 小的理論我也知道, 所以........大家應該明白到, 只是有些事總是難於啟齒, 在這荒廢的blog裡, 我尚會update時, 就是我需要抒發的時候, 當你們知道時, 請不要害怕問我, 因我只會感到窩心; 請不要跟我說每句話前也要思量一翻, 因我只要見到最真的你.  大家要知道我這人, 當我選擇公開的時候, 就表示我能夠面對, 也是已經重新boot機. (不過今早還是忍唔住呢 >_<)

我的私人麻豆, 其實我真的覺得你的攝影技術比前進步的, 至少影相速度已比以前快, 取的角度也比以前好, 只是跟我比還有一段距離而已, 呵~~~ 你說得對, 要是要求你跟我的拍攝手法一樣, 你便更加緊張, 而且這樣便沒有了你自己的個人風格 (但我還未知你的個人風格是怎樣-_-") 所以我希望你可以快些找尋到你自己個人拍攝的手法, 可以為我拍出水準的照片. 跟你一起拍照真是一種樂趣, 永遠也不覺得沉悶, 你的無無聊聊的行為總為我帶來歡樂, 呵~~

今天我們又一次玩得樂而忘返, 怎麼每次都一樣, 總是捨不得離開的樣子, 還有我們今天吃的壽司, 總覺得在生病期偷吃, 特別好味, hee~

(今天的日記是不是很文雅呢? 因為我要做才女嘛, 呵~)

這張我覺得很有味道呀!

最後忘了要再一次多謝你送的電話繩, 真的很開心呀><

影相真係好開心, 除左可以陶冶我既性情之外, 仲可以好relax咁訓響沙灘對住個海, 吹黎既海風真係好c服, 又可以比我發揮design既本能, 難得呢位model咁乖, 著晒我要佢著既衫, 頭都比我set埋, 叫佢點就點....咁乖既model去邊度搵?! 不過希望佢既影相技術都有進步, 雖然我鍾意幫人影, 但我都好想自己有d靚相架! 影相前籌備工作好開心, 影相過程好開心, 影完返黎睇見d相仍然好興奮, 再用photoshop整相框一樣咁開心, 成個過程好想再重覆一次.

呢個星期真係有d壓力, 人大左就會背負好多責任, 呢d責任係無形但沉重, 希望從照片中發洩出黎, 透過照片反映開心既一面, 從而將快樂延續.......

玩左成日, 今日梗係要做下野啦, 做左好多家務之餘, 仲執左d相, 雖然我鍾意影相, 但人靠衣裝物靠包裝都係真既, 影相影得好當然重要啦, 但我呢d新手唔係真係影得好架嘛, 梗係要執一執啦, 但我執晚意思我係唔會做手腳既, 我只係加下框, 打下字咁jet, 再將佢upload上網, 大家睇落經過包裝既相都靚d丫, hee~ 係唔係好醒呢 (妖笑) 比d劣作大家睇下啦, 係呀, 係劣架, 佳作我收埋左呀, haha~

呢張唔係out focus呀, 係特登架~~

思考中....唔好嘈佢~

影得耐都要輕鬆下既~

幾識扮野, 肯響條街咁扮冇乜幾多個咋!(明明好多model都肯, 呆~)

影到攰死左啦~

勁呀~ 真係要誇讚一下, 呢餐中秋大餐, 大家估唔估到係邊個整架?
話你知, 呢餐飯全是肥仔既傑作, 我地一d都冇幫手, 海鮮餐係佢拿手好戲, 仲要係好好食添. 我最鍾意食佢既超辣東風鏍, 真係好正, 而家都仲好回味>< 多謝晒~

個地球儀真係好得, 我地整既公仔都好得, 希望我地可以快d好似d公仔咁環遊世界啦!
最慳皮既b cake你地見過未? 係由細食到大既孖寶蛋糕呀, 不過一d都唔求其架, 之前一晚我仲整緊架.

玩新郎玩得咁恐怖都係第一次見~~~

波鞋黨姊妹夠型~



此婚禮專用咪高峰~ (不得抄襲)

有冇響婚禮上見過咁型既相呀? 我地就覺得好好笑, 仲好鍾意添, 攝影師仲笑我地似響街市, 哈~哈~~

住左自己條村咁多年, 都係第一次響度影相, 原來最有味道同最有回憶既地方就在附近~

唔需要去數幾多支candle啦, 同個歲數無關架, 純粹為一個字 "靚"

因為b day主角鍾意ayu呀, 為左佢就買左ayu既相, 原來ayu真係幾靚架喎, 果晚唔係個個爭住同主角影相, 係爭住同ayu合照, hee~

連阿牛同唔放過ayu? (明明係我地迫佢, 呆)

潁b, 做乜拆媽咪d禮物呀?

睇返一連串屬於9月份既相, 真係想講"原來我地真係din+ed"但睇返既時候, 一幕幕開心既情景又再浮現啦~~~ 我地要繼續努力, 下次影多些, yeah^^

恭喜晒呀~~~ 祝你地幸福快樂, 白頭到老!

近期冇咩野新手作呀, post返前一排整左既頸鍊出黎啦, 我都覺得佢好靚架, 期待緊帶佢出去影靚相.

第二日個meeting就係group discussion, 我真係好好彩, 去左講mandarin果group, 因為有d group係要講english架.....真係嚇死, 如果真係去左果group, 我諗我唔使講野lu. 咁亦都好好彩既係, 我呢group d人幾active(明明全公司d人都好active, 都唔明d人好似好鍾意參與咁既) 我地既discussion就係要講下公司既優勢, 弱點呀, 危機呀, 機遇咁...... 深住~ 我對公司毫無認識, 個個都知我新黎既, 所以都冇特別問我. 但有一個環節我就超驚啦, 個trainer講明要最新既同事去present, 唉~ 咪係我囉, 有邊個夠我新丫, 返得果2日(但話時話, 全公司百幾人, 原來都有成5份1人係新人, 自我介紹時超多人咁) 首先就逐個人講一個point啦, 由於寫字果個人d字太潦啦, 好似寫書法咁, 有個人同佢講"第一個字我睇到係咩, 所以我估到第二個字, 但第三個字我已經睇唔到啦" 好好笑. 咁講完之後就要最新果個同事出去present啦, 不過佢地真係對我好好呀, group group人都係自己一個人出去present架, 就算係呢part新人present, 都係要自己行出去, 但佢地可能知我驚(hee~ 因為我成日都話好驚) 之後佢地就搵多個同事陪我出去講, 當係壯下膽咁, 我出到去時, 我係聽到自己把聲響度震架, 好樣衰, 咁當然震左幾隻字之後, 就冇事啦..... 我一路講, 一緊張停左扮鬼臉, 佢地就全場俾掌聲鼓勵我, 我一講唔到, 陪我出去果位同事就幫我講埋, 甚至乎我自己果group d人都嗌出黎幫我大聲講埋佢, 當然我都講左一d笑位引到全場都笑我啦. 不過估唔到之後跟住我出場既新同事話, 其實佢都好驚, 不過見我返左2日都出黎講得咁好, 佢就覺得自己都做左一個月啦, 冇理由咁都唔得架嘛, 所以佢既表現都好好呀我覺得.

經過呢2日之後, 感覺係同同事close左啦, 自己亦都諗通左d野, 所以個人就放鬆左d. 其實我知我自己個性格係比較固執, 可能真係金牛座, 死牛一面頸, 唔係好聽人講, 不過我亦都知道只有自己先至最清楚自己想要d咩野, 咩野係適合自己既, 唔係下下都要去到最後要試過先知, 我知點做架啦, 放心啦~

呢d係叫做oriental training.....講到我打晒喊路, 我鄧個hr既人可憐, 每逢有新同事黎佢就要講一次, 我估佢一個月至少都要講一次, 唔怪得話呢度唔易抄人, 因為佢講得咁辛苦, 抄左就好晒啦.  講完晒再帶我兜公司一圈之餘, 仲要逐個介紹又扼手, 咁攪法已經到左11點, 間公司真係乜人都有, abc, 國語人, 外國人都大把, 不過我一個人都唔記得, 完全冇印象, 只係記得我dept果2個女仔, 其他乜都唔知, 跟住就有個welcome lunch同我食, 呆~ 真係好大對比, 尋日先食完farewell dinner, 明明依依不捨, 今日就要welcome....呆~

食左人地餐飯, 之後就梗係超多野做啦, 放響我table上要入既野有一隻手掌咁厚, 唉~~~~ 其實我覺得唔係full set果d壓力黎既, 不過係厚住多住野要趕deadline, 我係驚我入唔晒囉

又mth end. 最呆就係公司話下星期一二要全公司去南沙(大陸果邊)住2日1夜, 話係咩野all hands meeting喎, 全公司(包括海外)所有人都要出席, 仲要新人要介紹自己, 簡直就係攞我命. 明明都唔識人, 去黎做咩喎, 數下數下今個星期得返2日, 下星期又2日冇返, 我d野點趕得切mth end喎, 我真係好擔心囉, 唉~~~

今日都係6:15先走得, 我諗日日都要o下t架啦其實, 爭在幾多jet, 真係針冇2頭利係岩架.

今日都係阿head叫我走我先敢走咋.....不過頭先臨收工時, 唔記得抄低返晒d password,

攪到聽日又開唔到電腦, 要問返it人先得, 唔知佢地會唔會覺得我咁快有野唔記得呢.....呆~

呢幾日都係熱死, 不過仍然enjoy住響龍鼓灘既最後生活, 今日有個新人黎左, 開始handover d野俾佢, 由於佢都係熟手技工, 所以響handover方面都好easy~ 再加上我咁整齊, 佢都冇咩野好跟啦..... 放工之後同supplier johnny佢地去食farewell飯, 明明唔係好熟, 係都要食飯, 呆.....

８月１６日　　　　星期６　　　晴

今日又係熱死之日, 11點出去mk等阿pam收工, hee~ 因為今日係呢間公司既最後一個短週, 真係好, 臨尾都拎到個短週. 出去行左陣花園街, 好耐冇行過, 但係好熱. 之後約左表弟佢地去傾野, pam pan pen又再一次發揮佢傻人既本色, 令到我食餐飯都冇啖好食, 最好笑既係佢要嗌一杯熱既珍珠奶茶, 嗌完之後就問個waitress, "咁我可唔可以唔要珍珠呀?" 我同表弟即時反應謂"咁即係熱奶茶, 玩野" 想笑死人咩?! 食飽飽之後, 我就同阿pam展開我地今日既旅程, 首先去雅蘭拎野, 之後就去睇埋菇時(可惜菇時仍然係冇既) 跟住就搭巴士去我地想去左好耐既科學館啦, 好多人聽到我地要去呢度都覺得好好奇, um.....點講呢, 其實我地都係一個有文化既人黎架嘛, 好有氣質架~ 咁當然人地入去就係認識科學, 而我地就...............大家睇下以下圖片就知我地入去其實係做咩啦, 呆~

我冇將部相機打橫架, 呢個係側鏡, 影咩野都側晒架~

呢個就我拎黎拎去都影唔到樣既, 因為佢係背鏡

呢個叫"天生一對" 我地點影都係孖住, 真係煩, 阿pam痴住晒~ hee~

好恐怖呀>< 冇下半身既...

以下係玩頹廢look, 喂~~~ 再頹d得唔得呀你, 比d專業黎睇下好喎~

好cool呀pam pen pan~~~~ i like it~